باڵيۆز توركيا داوا له عراق ئه‌كا خوه‌ى له "په‌تا"ى په‌كه‌كه قورتار بكا
2019-07-25 19:25:30
شه‌فه‌ق نيوز/ فاتح يه‌ڵدز باليۆز توركيا له به‌غدا, داوا له عراق كرد خوه‌ى له په‌تاى پارت كارگه‌ره‌يل كوردستان قورتار بكا ك ئه‌نقه‌ره خسته‌سه‌ى ليست تيرۆر.
يه‌ڵدز له ماڵپه‌ڕ كۆمه‌ڵايه‌تى تويته‌ر باس له‌وه كرد ك عراق ماوه‌ى فريه‌يگ ناڵان وه‌ده‌س تيرۆر و ئسپات ئه‌وه كرد بيده‌نگ نادێ له وه‌رانوه‌ر تيرۆر وه‌تايبه‌ت دوياى په‌لاماره‌گه‌ى هه‌ولێر و وت: ئيمه هه‌وه‌جه وه ئه‌وه ديريم خوه‌ى له په‌تاى په‌كه‌كه قورتار بكا ك خوازياره په‌يوه‌نديمان ژه‌هراوى بكاو گيان عراقيه‌يل بخاده مه‌ترسى.
يه‌ڵدز هه‌ميش وت: قاره‌مانه‌يل عراق په‌تاى داعش كله‌وكردن ئه‌را ئه‌و شوونه له‌ليه‌و په‌يابوێن و ئيسه‌يش وه‌خت ئه‌وه‌سه بوه‌شكيه‌نه گيان پارت كارگه‌ره‌يل كوردستان.
