به‌له‌مكيشيگ عراقى له ئوم قه‌سر وه تاقمه‌گه‌يه‌و ژيرئاو بوێ
2020-05-06 10:25:43
شه‌فه‌ق نيوز/ سه‌رچه‌وه‌يگ ئه‌منى ئاشكراى ژيرئاوكه‌فتن به‌له‌مكيشيگ عراقى كرد له‌ئه‌نجام رويداگيگ له‌ناونى دو كه‌شتى وه بوونه‌ى هه‌ڵكردن گه‌رده‌لويليگ خوه‌ڵين له ده‌روازه‌ى به‌نده‌ر ئوم قه‌سر له پاريزگاى به‌سره له باشوور وڵاته‌گه.
له‌ى باوه‌ته‌و، سه‌رچه‌وه‌يگ له لێدوانيگ تايبه‌ت ئه‌را شه‌فه‌ق نيوز وت: گه‌رده‌لويليگ خوه‌ڵين بويه‌سه هووكار وه‌يه‌كا كيشان ناونى كه‌شتييگ بيگانه‌و به‌له‌مكيشيگ عراقى له نزيك به‌نده‌ر ئوم قه‌سر و بويه‌سه هووكار ژيرئاوكه‌فتن به‌له‌مكيشه‌گه له ئاوه‌يل كه‌نداو.
سه‌رچه‌وه‌گه هه‌ميش وت: تيمه‌يل فراياگوزارى ته‌رم 7 كه‌س له تاقم به‌له‌مكيشه‌گه ده‌ركردنه‌و له‌ناونيشانيش قه‌بتانه‌گه.
