شەفەق نیوز/ سەرچەوەیگ ئەمنی لە پارێزگای بەسرە، ئمڕوو جومعە، خەوەردا هێزە ئەمنیەگان دەسوەسەر توومەتبارە سەرەکیەگە کردن لە باوەت کوشتن و تاڵانکردن کەسیگ وەرجە چەن رووژیگ لە قەزای قرنە کوشیا.
سەرچەوەگە ئەرا ئاژانس شەفەق نیوز وت: دویای وەرگردن مووڵەت دادوەری، ئەرکەگە ئەنجام دریا وەهێزیگ هاوبەش لە ناوچەی ئەهوار جعێبیین، دەسوەسەر توومەتبارەگە کردن. وئاماژەدا؛ ژمارەی توومەتبارەیل لە باوەتەگە سێیانە، و لەماوەیگ پەیمانەیی وەگورەی مادەی ٤٠٦ گیریان.
سەرچەوەیگ ئەمنی، لە پارێزگای بەسرە، پیرەکە چوارشەممە، خەوەردا ئاژانس شەفەق نیوز، ک هاووڵاتییگ کوشیا دویای تاڵانکردنی لە باکوور پارێزگاگە.
سەرچەوەگە وت: قوربانیەگە خەڵک ناوچەی شافی بوی سەروە قەزای دێر له‌ باکوور پارێزگاگە. وتیش؛ هێزیگ ئەمنی ئۆپراسیۆن وەشکینیگ وەجیهاورد ئه‌را مینەی ئەو چەکدارەیلە ک وە بەلەم بویچگیگ وەرەو ئەهوار باشوور واین، ، وەبی ئاشکراکردن وردەکاری زیاتر.