حزبيگ عراقى داواى دابينكردن پاسه‌وان ئاسمانى ئه‌را خوه‌ينيشانده‌ره‌يل له هاوپه‌يمان ئه‌كا
شه‌فه‌ق نيوز/ حزب "بيارق الخير" داوا له هاوپه‌يمان ناوده‌وڵه‌تى كرد وه سه‌رۆكايه‌تى وڵاته‌يل يه‌كگرتگ پاسه‌وانى ئاسمانى ئه‌را خوه‌ينيشانده‌ره‌يل عراقى دابين بكا له‌وه‌ر مقه‌يه‌تيكردنيان له كوشتن.
له‌و باوه‌ته‌و، محه‌مه‌د ئه‌لخالدى ئه‌ميندار گشتى حزبه‌گه له به‌ياننامه‌يگ وت: له‌ى رووژه‌يل سه‌خته ك ملله‌ت عراقى وه‌پيه‌و گوزه‌ر ئه‌كاو دوياى ره‌سين پرووسه‌ى سياسى ئه‌را ڕييگ به‌سياى و دوياى ده‌سدريژيه‌يليگ ك بويه هووكار كوشتار گه‌ورايگ و له‌تى هه‌زاران كه‌س له خوه‌ينيشانده‌ره‌يل عراقى بوينه قوربانى و دوياى ده‌رچگن راپۆرت ناته‌واو حكومى ك له‌تى ئاماژه وه لايه‌ن تاوانبار نه‌كرياگه ك بويه هووكار شماره‌ى فريه‌يگ له رووڵه‌يلمان و له وه‌ختيگ قياسى له‌ماوه‌ى سێ رووژ، داوا له سه‌رۆك كۆمار ئه‌كه‌يم مه‌شق رۆڵ ده‌ستوورى و ديموكراسى بكا وه كلكردن داواكارى ئه‌را په‌رله‌مان و داواى ده‌س له‌كاركيشانه‌وه‌ى حكومه‌ت بكا.
جى باسه، ئه‌لخالدى داوايش له هيزه‌يل هاوپه‌يمان كرد مقه‌يه‌تى له خوه‌ينيشانده‌ره‌يل بكه‌ن له‌ڕێ ته‌رخانكردن ته‌ياره‌يل بى ته‌ياره‌وان و له‌چوارچيوه‌ى ريككه‌فتن ئه‌منى له‌ناونى عراق و هاوپه‌يمان ناوده‌وڵه‌تى له‌وه‌ر نواگيرى له دوباره‌بوينه‌وه‌ى كوستن وه‌جه‌م تر جوور ئه‌وه زويتر روێدا.
