حكومه‌ت عراقى خوازياره هه‌رێم كوردستان په‌يوه‌س وه ريككه‌فتن ئۆپيك بكا
2020-04-12 08:39:44
شه‌فه‌ق نيوز/ حكومه‌ت عراقى خوازياره هه‌رێم كوردستان په‌يوه‌س وه ريكخرياگ ئۆپيك بكا له كه‌مه‌وكردن به‌رهه‌مهاوردن نه‌فت خام.
له‌ى باوه‌ته‌و، مزهر محه‌مه‌د ساڵح راوێژكار له سه‌رۆكايه‌تى وه‌زيره‌يل له لێدوانيگ ك رووژنامه‌ى ئه‌لسه‌باح نيمچه فه‌رمى باسى كرد له شماره‌ى ئمڕووى وت: گرنگه ك وه‌زاره‌ت نه‌فت بتويه‌نێد هه‌رێم كوردستان په‌يوه‌س بكا له به‌رهه‌مهاوردن، له‌وه‌ر ئه‌وه‌گ ئى مه‌سه‌له ناوخوه‌ييه‌و په‌يوه‌ندى وه ئۆپيك نه‌يرێد.
جى باسه، ساڵح يه‌يش ده‌رخست ك سياسه‌ته‌يل يه‌كه‌و ئه‌خريه‌ن و دوياخريش پابه‌ند نه‌وين وه ريككه‌فتن ئۆپيك مه‌ترسى گه‌ورايگ ئه‌دێ له‌بان عراق.
