حه‌شد شه‌عبى له‌باره‌ى مردن كارمه‌نديگى له نويسينگه‌يگ ناوخۆيى ئاشكراكردن دا
شه‌فه‌ق نيوز/ ده‌سه‌ى حه‌شد شه‌عبى جه‌خت له‌وه كرد كارمه‌ند جه‌واد كازم شبل زه‌يدان ك وه‌رجه چه‌ن رووژه‌يليگ له نويسينگه‌ى به‌ياع سه‌ر وه وه‌زاره‌ت ناوخوه‌يى مرد تائيسه هيمان په‌يجورى له‌باره‌ى شيواز مردنه‌گه‌ى ته‌واو نه‌ويه.
له‌ى باوه‌ته‌و، وه‌ڕيه‌وبه‌رايه‌تى ئاسايش حه‌شد له به‌ياننامه‌يگ ئه‌را شه‌فه‌ق نيوز وت: ئه‌و كارمه‌نده پۆست سه‌ركرده له حه‌شد نه‌ياشتگه‌و راده‌س وه لايه‌نه‌يل په‌يوه‌نديدار كرياگه وه‌گووره‌ى فه‌رمان دادوه‌رى جوور ئه‌وه‌گ له ئاسايش حه‌شد په‌يڕه‌و ئه‌كريه‌ێد، ئه‌ويش وه ئه‌وه‌گ ئه‌و تومه‌ته ك ئه‌راى كرياگه تومه‌تيگ مه‌ده‌نيه نه‌ك سه‌ربازێ.
وه‌ڕيه‌وبه‌رايه‌تيه‌گه يه‌يش ده‌رخست ك حه‌شد شه‌عبى وه گرنگه‌و چه‌وديرى مه‌سه‌له‌گه ئه‌كا وه‌ل وه‌زاره‌ت ناوخوه‌يى ئه‌را زانستن هووكاره‌يل مردنه‌گه‌ى و وسانن په‌يجوريه‌گه‌ى له‌بان ئه‌نجامه‌يل راپۆرت پزيشك داوه‌رى.
