شەفەق نیوز/ خیزان قوربانیه‌یل ناڕەزایەتیەگان لەناسریە ناوەند پارێزگای زیقار، ئمڕوو سێشەممە، دەسکردنە خۆپیشاندان وداوا سزای بکوشەیل کوڕەیلیان كردن.
پەیامنێر ئاژانس شەفەق نیوز لە پارێزگای زیقار وت؛ خۆپیشاندانەگە لە وەردەم دیوان پارێزگاگە بوی، ك داوای خاسەوکردن خزمەتگوزاریش کردن. هه‌میش داوای لاوردن وەڕیەوبەرەیل وراوێژكاره‌ هونەریەگان، و دابینکردن ئاو وکەهرەبا ودەرفەت کار کردن. خۆپیشاندەرەگان ک هەژماریان لە ١٠٠ کەس زیاتر بوی هەوڵدان بچنە ناو بینای پارێزگاگە.
ئاماژەیە ک ناسریە و پارێزگای زیقار وەگشتی، گەوراترین ناڕەزایەتی دی، لەوەخت هەڵسان خۆپیشاندانەگان عراق لە تەشرین یەکەم ٢٠١٩ ، وه‌ بیه‌ خاوه‌ن گەوراترین ژماره‌ی قوربانی ك قاو جەنڕاڵ جەمیل شەمەری دریا لەبان کوشیان٢٩ ناڕازی لەماوەی چەن خولەکیگ . ناڕەزایەتی وقوربانیەگان ناسریە گەوراترین هۆکاربوی ئەرا رمانن حکومەت عادل عەبدلمهدی سەرۆک وەزیر وەرین.