خه‌زعه‌لى: مۆساد ها سلێمانى و يه‌كيگ له سه‌ركردايه‌تيه‌يل و سه‌ركرده‌يگ باڵاى ئه‌منى هانه پشت روێداگه‌يل عراق
2019-11-03 14:24:45
شه‌فه‌ق نيوز/ قه‌يس خه‌زعه‌لى ئه‌ميندار گشتى عه‌سايب ئه‌هل هه‌قة يه‌كيگ له سه‌ركرداتيه‌يل تومه‌تبار كرد وه ده‌سداشتن له روێداگه‌يل ئى دوياخره له عراق و جه‌ختيش له‌وه كرد مۆساد ئسرائيلى ويستگه‌يگ له پاريزگاى سلێمانى ديرن له هه‌رێم كوردستان عراق.
خه‌زعه‌لى له گفتگوويگ ته‌له‌فزيۆنى ك دوياتر بڵاو ئه‌كريه‌ێد وت: زياتر له 95 تا 99% له خوه‌ينيشانده‌ره‌يل په‌يوه‌س نين وه ئه‌جندا يا حزب.
ئاشكرايشى كرد, كيشه‌گه له ئسلام نيه به‌ڵكوو له ده‌ستووره و هه‌ميش وت: وه‌ناو ده‌ستووره‌و دزه‌يل دزينه‌مان نه‌ك وه‌ناو ئايينه‌و.
جى باسه، خه‌زعه‌لى باس له‌وه‌يش كرد دامه‌زرانن كۆمسيۆن هه‌ڵوژاردنه‌يل سه‌روه‌خوه‌ى له‌ساى سيستم حزبى و په‌رله‌مانى درووييگه كه‌س باوه‌ڕ وه‌پى ناكا.
