شهفهق نيوز/ وهزارهت داد, ئاگرداين باڵهخانهگهى بهغدداى پايتهخت لهپشت پيهڵ ئهحرار له ئهنجام خوهينيشانداينهيل و لهلايهن خوهينيشاندهرهيلهو خسته دروو.
لهى باوهتهو، سائر جبورى قسهكهر فهرمى وهناو وهزارهتهگه له بهياننامهيگ ئهرا شهفهق نيوز وت: فاروق ئهمين شوانى، وهزير داد، پهيوهندى وهل هيزهيل ئهمنى و هيزهيل پاسهوانى وهزارتهگه ديرێد لهوهر ئاگاداربوين له بارودوخ ئهمنى لهوهر خاتر مقهيهتيكردن له گيان و ماڵ و موڵك هاووڵاتيهيل.
قسهكهر فهرمى داد ههميش وت: خوهينيشاندهرهيل له نزيك بارهگاى وهزارهتهگه تايهر ئاگر دانه، ك لهلايهن بڕيگ له هووكارهيل رهساننهو لهيوا بڵاو كريا ك ئاگر له وهزارهتهگه وهربويهو داوايش له هووكارهيل رهسانن كرد وه دقهتهو ههواڵهيليان بڵاو بكهن لهوهر مقهيهتيكردن له ئاسايش گشتى له وڵاتهگهو له گيان هاووڵاتيهيل.