شەفەق نیوز/ دەسەی دارایی لە پەرلەمان عراق، ئمڕوو شەممە، ئاشکراکرد لە نیاز وەزارەت دارایی ئه‌را دابەشکردن مووچەی فەرمانبەرو خانەنشینەیل لە عراق وەرجە جەژن قوربان.
ئەحمەد سەفار بڕیارده‌ر دەسەگە، ئەرا ئاژانس شەفەق نیوز وت: حکومەت عراق، توانای پویلیی ئەرا دابەشکردن مووچەی فەرمانبەرو خانەنشینەیل وەرجە جەژن قوربان دیرێد، له‌وه‌ر رۆشنای یاسای قەرزکردن. وئاماژەدا ک دارایی لە بانک ناوەندی پویل و خەرجکردنەگان وەرگرد.
سەفار دیاری کرد؛ دیرکەفتنیگ هەس لە وەزارەت دارایی لە خەرجکردن مووچەی فەرمانبەرەیل، بەڵکم پەیمان دا وە خەرجکردن مووچەگان وەرجە جەژن قوربان.
وتیش: مینیمن لە چەودیری کردن خەرج ئەو پویلەیلە وەرجە جەژن، ئیمە ترسیمن لە گیچەڵیگ لە وەزارەت دارایی لە دیرکەفتن خەرج مووچەیل.