شەفەق نیوز/ سەرچەوەیگ ئەمنی، ئمڕوو چوارشەممە، باس کرد ک دوو هاووڵاتی عراقی لە دوو پارێزگای بەسرە و نەجەف خوه‌یان له‌ سێدارە دانە.
سەرچەوەگە ئەرا ئاژانس شەفەق نیوز وت؛ هاووڵاتییگ خەڵک بەسرە، ئمڕوو لەناو ماڵەگەی لە قەزای ئیمام سادق باکوور پارێزگاگە ، وەسێدارە خوەی کوشت، ، وتەرمەگەی رەوانە کریا ئەرا فەرمانگەی پزشکی دادوەری ئه‌را لێکۆڵینەوەی پێویست.
سەرچەوەگە دیاری کرد؛ ک هاووڵاتییگ لە خەڵک نەجەف، ئمڕوو، هەمیش وەسێدارە خوەی کوشت، لەناو ماڵەگەی لە گەڕەک عەسکەری، ناوڕاس پارێزگاگە، وتیمەیل رزگارکردن تەرمەگەی دانه‌ لایەنەیل تایبەت.
سەرچەوە ئەمنیەگە وت؛ دەزگایل تایبەت لە هەردوگ پارێزگاگە، دەس کردنە لێکۆڵینەوەی پێویست دەربارەی هەردگ خوەیکوشتنەگە.