رافده‌ين له‌باره‌ى قه‌رزه‌يلێ وشدارى ئه‌ياد
شه‌فه‌ق نيوز/ بانك رافده‌ين له‌باره‌ى قه‌رزه‌يل په‌كخرياێ وشدارى داو داوا له هاووڵاتيه‌يل كرد قست مانگانه‌يل دوياخرياگ بيه‌نه‌و ك وه‌ريگرتنه ئه‌را سه‌ندن يه‌كه‌يل نيشته‌جى له كۆمه‌ڵگه‌ى به‌سمايه.
له‌ى باوه‌ته‌و، نويسينگه‌ى ره‌سانن بانك رافده‌ين له به‌ياننامه‌يگ ئه‌را شه‌فه‌ق نيوز وت: بانگه‌گه گامه‌يل ياسايى له‌وه‌ر ئه‌گرێد ده‌رهه‌ق ئه‌وانه‌گ وه ئه‌نقه‌ز ئه‌و قه‌رزه‌يله دويا ئه‌خه‌ن ك ها لايان و بريگ له هاووڵاتيه‌يل هه‌ن دوياكه‌فتنه له دانه‌وه‌ى قه‌رزه‌يل مانگانه‌يان ك ئه‌را سه‌ندن يه‌كه‌ى نيشته‌جێ له به‌سمايه قه‌رزى كردنه.
ئاماژه وه‌يه‌يش كرد، بانكه‌گه دروشميگ داناگه ك ئمساڵ ساڵ پاكه‌وكردن قه‌رزه‌يل و هاوردنه‌وه‌ى قه‌رزه‌يل دوياخرياگه له‌لاى ئه‌وانه‌گ قه‌رز له‌لى كردنه، وه‌تايبه‌ت ئه‌وانه‌گ قه‌رز له‌لايان كه‌ڵه‌كه بويه‌و ئه‌را سه‌ندن يه‌كه‌ى نيشته‌جێ له به‌سمايه بردنه‌سه‌ى.
