رافده‌ين له‌باره‌ى چه‌سپانن پويل زيايه له‌بان خاوه‌ن ده‌روازه‌يل ئاشكراكردانيگ دا
2019-11-04 08:16:06
شه‌فه‌ق نيوز/ بانك رافده‌ين، چه‌سپانن پويل زيايه خسته دروو له‌بان خاوه‌ن ده‌روازه‌يل تايبه‌ت وه‌رانوه‌ر وه‌رگرتن بڕيگ پويل له‌لايه‌ن لقه‌يل بانكه‌گه له به‌غدا و پاريزگايه‌يل تر عراق.
له‌و باوه‌ته‌و، نويسينگه‌ى ره‌سانن بانك رافده‌ين له به‌ياننامه‌يگ وت: ئه‌و هه‌واڵه‌يله ك بڵاو ئه‌كريه‌ن و باس له وه‌رگرتن بڕه پويليگ ئه‌كه‌ن له خاوه‌ن ده‌روازه‌يل تايبه‌ت دويرن له‌ڕاسى و هويچ بنه‌مايگ نه‌يرن.
جى باسه، به‌ياننامه‌گه ئاماژه وه‌يه‌يش كرد عموله هه‌ر جوور خوه‌يه‌و بايه‌سه له‌بان كارمه‌ند يا خانه‌نشينه‌يل يا خاوه‌ن ده‌روازه‌يل تايبه‌ت هه‌قه‌يل دارايى خوه‌يان له لقه‌يل بانكه‌گه وه‌ربگرن له به‌غدا و پاريزگايه‌يل.
