رافده‌ين مه‌رجيگ ئه‌را وه‌پيداين قه‌رزه 100 مليۆنيه‌گه وه كارمه‌نده‌يل و 50 مليۆنيه‌گه ديرێد
شه‌فه‌ق نيوز/ بانك رافده‌ين ئاشكراى ئه‌وه كرد ك وه‌پيداين قه‌رزه‌يل 100 مليۆنى جوور به‌رزترين قه‌رزيگ ئه‌دريه‌ێده كارمه‌نده‌يل و 50 مليۆنييش وه هاووڵاتيه‌يل له‌وه‌ر سه‌ندن يه‌كه‌يل نيشته‌جێ له پرووژه‌يل وه‌به‌رهاوردن له به‌غدا و پاريزگايه‌يل.
له‌ى باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ وت: بايه‌سه له‌بان كۆمپانيايه‌يل وه‌به‌رهاوردن له‌وانه‌گ ئه‌خوازن بازاڕكردن يه‌كه‌يل نيشته‌جێ و كۆمه‌ڵگه‌يل دروس بكه‌ن و پشتگيرى له‌لى به‌ن سه‌ردان ئداره‌ى گشتى بانكه‌گه بكه‌ن له‌وه‌ر بازاڕكردن و هاوكارى و دابينكردن پشتگيرى خواست و چالاكه‌وكردن بابوورى نيشتمانى له‌وه‌ر ره‌سين ئه‌را چاره‌سه‌ر قه‌يران نيشته‌جێ.
جى باسه، به‌يانننامه‌گه باس له‌وه‌يش كرد بانكه‌گه ناوه‌يل تر ده‌سنيشان ئه‌كا ئه‌را كۆمه‌ڵگه‌يل نيشته‌جێ له به‌غدا و پاريزگايه‌يل له‌وه‌ر ئاگاداركردنه‌وه‌ى هاووڵايه‌يل له‌بان شوقه‌يل نيشته‌جێ، ئه‌ويش له ئاماژه‌يگ ئه‌را قه‌رزكردن له‌لێ وه‌خاتر سه‌ندن ئه‌و يه‌كه‌يل نيتشته‌جيه.
