رافده‌ين وه‌جبه‌ى تازه‌يگ له سلفه‌ى 25 مليۆن دابه‌شكرد
2019-12-23 07:19:03
شه‌فه‌ق نيوز/ بانك رافده‌ين ده‌سكرده دابه‌شكردن وه‌جبه‌ى تازه‌يگ سلفه ئه‌را كارمه‌نده‌يل ده‌زگاى ده‌وڵه‌ت له‌ناونى ( 5 ، 10 ، 15، 20، 25 ) مليۆن دينار عراقى له‌ڕێ ماسته‌ر كارد ناوده‌وڵه‌تى.
له‌ى باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ وت: وه‌جبه‌ى تازه‌يگ له سلفه‌ى كارمه‌نده‌يل ده‌وڵه‌ت ئه‌را زياتر له 1500 كارمه‌ند دابه‌ش كرياگه له‌وانه‌گ مووچه‌يليان جيگيره له‌لاى بانكه‌گه‌و كارت ئه‌لكترۆنى ديرن.
جى باسه، به‌ياننامه‌گه هه‌ميش وت: دابه‌شكردن ئه‌و سلفه له‌ڕێ په‌نجه‌موور كارمه‌نده‌گه‌و ئاگاداركردنى بويه وه‌نامه‌يگ ئه‌لكترۆنى ئه‌را وه‌رگرتنى دوياى ته‌واوكردن گشت رێ وشوونه‌يل ياسايى.
