راپۆرتيگ بريتانى: عراق بويه‌سه دوزه‌خيگ ئه‌را كه‌مينه‌يل
شه‌فه‌ق نيوز/ رووژنامه‌ى ده‌يلى ته‌ليگراف باوه‌تيگ تيم ستانلى وه‌ناونيشان" خوه‌رئاوا قه‌رزار عراق وه زياتر له ته‌نيا قسه‌كردن".
نويسه‌ر باوه‌ته‌گه ئه‌وه ده‌رخستگه له‌وه‌خت سه‌ردانه‌گه‌ى ئى دوياخريه ئه‌را عراق ئه‌راى ده‌ركه‌فتگه ك شماره‌ى فريه‌يگ له مه‌سيحيه‌يل هيمان ترس ديرن گله‌و بخوه‌ن ئه‌را شوون و ماواى خوه‌يان و فريه‌يگيش له‌ليان ئه‌خوازان كووچ بكه‌ن و ده‌ربچن له وڵاته‌گه.
نويسه‌ره‌گه وتگه: ژيان سه‌خته‌و جوور دوزه‌خه ئه‌را كه‌مينه‌يل له‌وه‌ختيگه‌و عراق داگير كريا له‌ساڵ 2003و له‌وه‌ختيگه‌و ريكخرياگ داعش ده‌سڵات گرته بان هامارى نه‌ينه‌وا له باكوور عراق و مه‌سيحيه‌يل ناچار كريان يا ئه‌وه‌سه بوونه موسڵمان يا بمرن يا بهه‌يوان.
نويسه‌ر باوه‌ته‌گه هه‌ميش وت: هه‌زاران مه‌سيحى هه‌يواين وه‌ره‌و كوردستان، ك هه‌رچه‌نى شكه‌ستيش وه داعش هاوريا، وه‌لێ ئمڕوو كووچ وه‌جه‌م ئه‌نجام ئه‌گريد يا وه‌ره‌و ئوستراليا يا كه‌نه‌دا، وه‌لێ نه‌ك ئه‌را وڵاته‌يل يه‌كگرتگ له‌وه‌خت ئداره‌ى دۆناڵد تره‌مپ سه‌رۆك ئه‌مريكا، چوينكه پيشوازى له مه‌سيحيه‌يل عراق ناكا.
