شه‌فه‌ق نيوز/ ريكخرياگ ناوده‌وڵه‌تى  "هيومن رايتس وۆتش" باس له‌وه‌ كرد حكومه‌ت عراقى هه‌زاران مناڵ ك گومان له‌ليان ئه‌كريه‌ێد خيزانه‌يليان سه‌ر وه‌ ريكخرياگ تيرۆريستى داعشن له‌ په‌روه‌رده‌ بيبه‌ش كردگه‌.

ريكخريايه‌گه‌ له‌ راپۆرتيگ باس له‌وه‌ ئه‌كا ك به‌ڵگه‌يگ ده‌رچگ له‌ سبته‌مبه‌ر/ ئه‌يلول 2018 و له‌تى وه‌رپرسه‌يل باڵا له‌ وه‌زاره‌ت په‌روه‌رده‌ ئمزاى تاووتوێيگ له‌تى كردنه‌ و دياره‌ ك رێ وه‌و مناڵه‌يله‌ ئه‌دريه‌ێد بچنه‌ قوتابخانه‌و به‌ڵگه‌ى مه‌ده‌نى نه‌يرن، وه‌لێ وه‌رپرسه‌يل ئاگادار وه‌ڕيه‌وبه‌ره‌يل قوتابخانه‌و كۆمه‌ڵه‌يل فرياكه‌فتن كردنه‌ ك خزمه‌ت له‌وه‌ر په‌روه‌رده‌ پيشكه‌ش ئه‌كه‌ن ك هه‌ر مناڵيگ به‌ڵگه‌يل مه‌ده‌نى نه‌يرێد هيمان تائيسه‌ قه‌يه‌غه‌س ئه‌رايان ناويان تۆمار بكريه‌ێد له‌ خوه‌ندنگايه‌يل حكومى.

جى باسه‌، يه‌يش له‌وه‌ختيگه‌ ئه‌و مناڵه‌يله‌ ك له‌وه‌خته‌يل ده‌سڵات داعش له‌ناونى 2014  و 2017 ژيان يا له‌دايگ بوينه‌ ئه‌و به‌ڵگه‌يل فه‌رميه‌ نه‌يرن ك حكومه‌ت داواى ئه‌كا له‌ليان ئه‌را ئه‌وه‌گ ناويان له‌ خوه‌ندن تۆمار بكريه‌ێد و زه‌حمه‌تيشه‌ وه‌پيان بدريه‌ێد.