سه‌ركرده‌يليگ له داعش پلان دژ هيزه‌يل عراقى و پێشمه‌رگه دانانه ده‌سگير كريان
2019-06-16 20:04:05
شه‌فه‌ق نيوز/ شانه‌ى ره‌سانن ئه‌منى, ئاشكراى ده‌سگيركردن كه‌سه‌يليگ له داعش كردن ك سه‌ركرده بوينه له‌و ريكخرياگه‌و پلان دانانه‌و كرده‌وه‌يليگ دژ وه هيزه‌يل عراقى و پێشمه‌رگه ئه‌نجام دانه.
شانه‌ى ره‌سانن له به‌ياننامه‌يگ باس له هه‌وڵه‌يل هه‌واڵگيرى و چه‌وديرى مه‌يدانى هيزيگ له ئاژانس هه‌واڵگيرى كرد ك 4 كه‌س له سه‌ركرده‌يل داعش ده‌سگير كردنه‌و رۆڵ داشتنه له داناين پلان و جيوه‌جيكردن كرده‌وه‌يل تيرۆريستى دژ هيزه‌يل ئه‌منى و پێشمه‌رگه له‌وه‌خت ئازادكردن نه‌ينه‌وا.
به‌ياننامه‌گه يه‌يش ده‌رخست ده‌سگيركردن ئه‌و سه‌ركرده‌يل داعشه وه‌گووره‌ى دگان وه‌پياناين كه‌سه‌يل تر تاوانبار بويه ك زويتر له‌لايه‌ن هه‌واڵگيرى پۆليس ناوه‌نديه‌و له پاريزگاى كه‌ركوك ده‌سگير كريانه.
