شەفەق نیوز/ بانک رافدەین حکومەتی، ئمڕوو شەممە، راگەیان لە خەرجکردن شایستە پویلیەگان جفتیارو کشاورزەیل لە لقە تایبەتەگانی. نووسینگەی راگەیانن بانکەگە لە بەیاننامەیگ ك رەسیە ئاژانس شەفەق نیوز وت: بانکەگە رینما دا لقەگانی دەسبکەیدە وە خەرج شایستەگان جفتیار و کشاورزەیل، دویای تەواوکردن گشت ریکارە یاساییەگان ئەرا خەرجکردن ئەو پویلەیلە.
وتیش: بانکەگە وەرده‌وامە لە پابەندیە پویلیەگانی وەرانوەر هاووڵاتیەیل و ئەوەگ پەیوەندی دیرێد وە خەرج کردن پویل و شایستەگان تر وەگەرد هاوردن رەفتارەیل مقەیەتی تەندروسی.
وەزارەت کشتوکاڵ، دووشەممەی گوزەیشتە، راگەیان لە تەرخانکردن بڕە پویلێگ ئەرا خەرجکردن شایستەیل جفتیارەیل، و هەمیش ئاماژە دا ئەرا هەرکەسیگ بەرهەمەگەی داگەسە دەس ئەوەسا شایستەگانی وەرگرێد، و هەمیش جفتیارەیل هەرێم کوردستان.