شفەق نیوز/ فوڕات موسەوی، پسپۆڕ باوەتەیل وزە، سێشەممە، پیشبینی کرد ک نرخ بەرمیلیگ نەفت بڕەسێدە ٦٠ دۆلار لە کۆتایی ئی ساڵە.
موسەوی ئەرا ئاژانس شەفەق نیوز وت: خاسەوبوین و ئارامی نرخەیل نەفت لەئەنجام هاتنەوەی ژیان پیشەسازی لە چین ودەوڵەتە ئاسیایەگان هات، و رێککەفتن کۆمەڵەی رێکخراو ئۆپیک، وئاماژەدا ک مانگ تەمووز هاتگ زیادبووینیگ لە داوای نەفت دوینێد لەلایەن دەوڵەتەیل وکۆمپانیایل جهانی.
وتیش؛ قسەیل فەرەی لە دەوڵەتە پیشەیەگان وەگرنگی هاتنەوەی ژیان سروشتی ئه‌شنه‌فتیمن، لەوەر پەیا نەوین واکسینیگ ئەرا ڤایڕۆس کۆڕۆنا، وژیان ئابووری ئی دەوڵەتەیلە کەم کەم هووکاربوین ئەرا بەرزەوبوین نرخ نەفت، وشایەت ناونی ٤٠-٥٠ دۆلار ئارام بگرێد.
موسەوی ئاماژەدا ک پێشبینی كریه‌گ ك نرخ بەرمیلیگ نەفت بڕەسێدە٦٠ دۆلار لە کۆتایی ئی ساڵە، وەلی ئەوە لەبان بنەمای ئاڵشبویەیل سیاسی وئابووری دەوڵەتەیل جهان وسیاگە.
ئاماژەیە ک نرخ بەرمیلیگ نەفت لە وەخت بڵاوبوین ڤایڕۆس کۆڕۆنا داوەزیا، ک بویە هووکار مەترسیەیلیگ لە کاریگەری داوەزانەگە و کەمی داهاتەگان لەبان بوودجەی عراق ئەرا ساڵ ئیسەی ٢٠٢٠ ، وکاریگەربوین بوودجەی وەکاریەگەری له‌ بان مووچەی فەرمانبەرەیل حکومەت و خانەنشینەیل.
لە ئەنجام ئەوە، دەسەی دارایی پەڕلەمانی مەزەنەی پەککەفتن لە بوودجە گشتیەگەی وڵاتەگە کردن وە زەرەد ٦٩ ترلیۆن دینار عراقی ، جوور پەککەفتنیگ بی وەرینیگە.
دەسەی دارایی پەرلەمانی، لە ناوڕاس مانگ ئایار وەرین، ئاشکرای زرەرەد عراق کرد وە یەک ملیار و٣٥٠ مەلیۆن دۆلار، لە هەر دۆلاریگ لە نرخ نەفت کەمەوبوود، ودووپات پێوستیی کرد ئەرا قەرزکردن له‌ ده‌یشت، ئەرا پڕەوکردن پەککەفتنەگە لە بوودجە گشتیەگە.
جەمال کۆچەر ئەندام دەسەگە ئەرا ئاژانس شەفەق نیوز وت: نرخەیل نەفت لە بوودجەی گشتی دەوڵەت عراق لەبان ٥٦ دۆلار هەژمار کریاد، بەڵکم دویای داوەزین نرخەیل شایەت لەبان ٣٠ دۆلار ئەرا یەک بەرمیل هەژمار بکریەێد لە بوودجەی ٢٠٢٠ .
وزەی ناودەوڵەتی: قەیران فڕۆکەوانی هێشت داواکاری لەبان نەفت لەژیر ئاستەگان بمینێد.
لەلای خوەیەو، ئاژانس وزەی ناودەوڵەتی، روژ سێشەممە، ئاشکراکرد ک داواکاری لەبان نەفت لە گەوراترین داوەزین لە مێژوو لە ٢٠٢٠ خاسەوبوود، وەلی وەدویاکەفتنەگە لە کەرت فڕۆکەوانی لەوەر مەترسی ڤایڕۆس کۆڕۆنا واتە جهان ئەرا ئاست داواکاری نەفت لە وەرجە پەتاگە نیەچوودەو تا وەرجە ٢٠٢٢ .
ئاژانس وزە لە راپۆرتە مانگانەگەی وت؛ پێشبینی یەکەمینمان ئەرا ساڵ ٢٠٢١ وەگشتی، دیارخەێد ئەوزەڵبوین لە داوای ٥،٧ مەلیون بەرمیل هەر روژیگ، ئەویش واتەگەی ئەوەسە، لەئاستیگ رەسێدە ٩٧،٤ مەلیۆن بەرمیل هەر روژیگ، بوودە خوار ئاست ٢٠١٩ ک ٢،٤ مەلیۆن بەرمیل هەر روژیگ.
ئاژانسەگە ک بارەگاگەی هالە پاریس دیاری کرد؛ ک وەدویاچگن لەوەرگردن سوتەمەنی فڕۆکەیل و گیرۆسین کاریگەری لەبان گشت داواگان لەبان نەفت پەیا کەێد تا ساڵ ٢٠٢٢ ، لەلای کەمەو کەرت فڕۆکەوانی قەیرانێگ وه‌خوه‌یه‌و دیه‌. وتیش؛ لە ناوڕاس ئایار گەشت ئاسمانی کەمیگ زییایەوبویه‌ ، و خێراوەبوی لە حوزەیران وەگەرد سوکەوکردن رێکارەیل نواگردن ڤایڕۆسەگە، وەلی هەر مینێد وەرێژەی ٧٠ لەسەد لە ئاستەیل ٢٠١٩.
ئاژانس وزە پێشبینیەگەی بەرزەو کرد ئەرا داواکاری نەفت لە ٢٠٢٠ وەرەو ٥٠٠ هەزار بەرمیل لە روژیگ، وەگورەی داهاتەیل ك لە مەزەنە وەهێزتره‌. وتیش دەرچگن وهێزدار وڵات چین لە رێکارەیل کەرەنتین گشتی، لە مانگ نیسان داواکاریەگە هاوردەو ئەرا نزیکەی ئاست پارەکە، و گەشەی وەهێزیگ لە وڵات هیند لە ئایار دیمن ، هەرچەن داواگان هیمان لە ئاست پارەکە کەمترە.
ئاژانسەگە ئاماژەدا ئەرا داوەزین تەکان نەفت جهانی لە ئایار وەگورەی ١١،٨ مەلیۆن بەرمیل هەر روژیگ، وتیش رێکخراو دەوڵەتەیل نەفت فروش و هاوپەیمانەیلیان و روسیا لەناویان، لە چوارچیوەی کۆمەڵەگە ک ناسریاگە وە ئۆپیک ، بەرهەمیان کەمەوکردن ئەرا ٩،٤ مەلیۆن بەرمیل هەر روژیگ، وئەگەر چگنە نووەگان لە بەرهەمکاری وەردەوامبوود و داواکاری خاسەوبوود، وەگەرد کۆتایی دوویەم نیمەی ئی ساڵە بازاڕەگە لە بان بنەمایگ فرە ئارامتر وسیەێد.
ودویایی وت: بەڵکم نەبایەسە رویە نا بڕوایە فراوانەگان وەکەم بزانیمن.
بەرهەم ئەو دەوڵەتەیلە ک بەشدار نەوین لە رێککەفتن، لە سەرەتای ساڵەگە، روژانه‌ ٢،٥ مەلیۆن بەرمیل له‌ هەر روژیگ وەگورەی ئاژانسەگە كه‌مه‌و كردن ، ک ئاماژەدا وە ئەوە ک بەرهەم ئەمریکا ئەوەسا ٩٠٠ هەزار بەرمیل له‌ هەر روژیگ کەمەو بووی ، و ٣٠٠ هەزار بەرمیل هەر روژیگ لە ساڵ هاتگ، ئەگەر نرخەگان بەرزەو نەوین تا هان وەبەرهامهاوردن نوو بیەێد لە نەفت بەڕین.