شماره‌ى تازه‌ى قوربانيه‌يل خوه‌ينيشانداينه‌يل له عراق
2019-10-25 17:25:07
شه‌فه‌ق نيوز/ كۆمسيۆن باڵاى سه‌روه‌خوه‌ى مافه‌يل ئاده‌ميزاد ئاشكراى به‌رزه‌وبوين شماره‌ى قوربانيه‌يل كرد له ڕز خوه‌ينيشانده‌ره‌يل ئه‌را دو كوشياگ و نزيكه‌ى 1000 زه‌خمدار
كۆمسيۆن له به‌ياننامه‌يگ ئاماژه وه به‌رزه‌وبوين شماره‌ى كوشياگه‌يل كرد ئه‌را 2 كه‌ىس وه بوونه‌ى ته‌نگه‌نه‌فه‌سى له ئاكام غاز ئه‌سرڕشن.
به‌ياننامه‌گه وت: شماره‌ى زه‌خمداره‌يليش ره‌سيه‌سه 966 كه‌س له پاريزگاى به‌غدا، ك 884 له‌ليان له خوه‌ينيشانده‌ره‌يلن و 82يش له هيزه‌يل ئه‌منى و 5 كه‌سيش له پاريزاى ميسان و 3 كه‌س له موسه‌نا ك دووان له‌ليان له هيزه‌يل ئه‌منيين و جه‌م گشتيانيش ره‌سيده 974 كه‌س ك زوورميان حاڵه‌ت ته‌نگه‌نه‌فه‌سيه وه‌بوونه‌ى وه‌كارهاوردن غاز ئه‌سرڕشن.
