شه‌رگات ئاماژه وه "كه‌لين"ه‌يليگ ئه‌كا له‌ليه‌و داعش جيواز بوينه‌سه ناوچه‌يل ئازادكرياێ
شه‌فه‌ق نيوز/ وه‌رپرسيگ ناوچه‌يى له قه‌زاى شه‌رگات له باكوور سه‌ڵاحه‌دين، جه‌خت له‌وه كرد، ريكخرياگ تيرۆرستى داعش وه‌رپرسه له‌و په‌لاماره‌يله ك ئاواييگ له قه‌زاگه گرته‌سه ئامانج له‌ڕێ كه‌لينه‌يليگ ئه‌منييه‌وه.
له‌ى باوه‌ته‌و، جه‌رجيس حجاب وه‌ڕيه‌وبه‌ر ناحيه‌ى چه‌پ شه‌رگات سه‌ر وه قه‌زاى شه‌رگات له باسيگ ئه‌را شه‌فه‌ق نيوز وت: ئه‌و په‌لاماره‌يل تيرۆريستيه ك وه مين ئه‌نجام دريان و ئاواييگ له قه‌زاگه گرته ئامانج وه‌بوونه‌ى ده‌زكردن چه‌كداره‌يليگه‌و بويه له ريكخرياگه داعش له ناوچه‌يليگ نزيك له قه‌زاى مه‌خموره‌و، چوينكه ئه‌و ناوچه‌يله وازن و كه‌لين ئه‌منى له‌تيان وجوود ديرێد و په‌ڕينه‌وه له‌ليانه‌و ئاسانه.
جى باسه، حجاب ئاماژه‌يش وه هاتنه‌وه‌ى چه‌كداره‌يل ريكخرياگ تيرۆريستى داعش ئه‌را ناوچه‌يل ئازادكرياێ له ديم چه‌پ شه‌رگات و دوباره ده‌سوه‌پيكردنه‌وه‌ى چالاكيه‌يل تيرۆريستييان و وت: هه‌رچه‌نى ئه‌و ناوچه‌يل ده‌ورگرد شه‌رگات ناوچه‌يل نزيك له قه‌زاى مه‌خموره له‌لايه‌ن ده‌زگاى دژه تيرۆره‌و پاكه‌و كريانه، وه‌لێ كه‌لين له‌تيان ئاشكراسه‌و چالاكى تيرۆريستى له‌تيان وه‌رده‌وام ئه‌نجام ئه‌گرێد.
