عراق بۆردمان ئسرائيلى ره‌ته‌و ئه‌كا: رێ ياسايى له‌باره‌ى ئه‌و ده‌سدريه‌يله ئه‌گريمنه وه‌ر
2019-09-03 19:41:17
شه‌فه‌ق نيوز/ محه‌مه‌د عه‌لى ئه‌لحه‌كيم وه‌زير خارجيه‌ى عراقى، چه‌وێ كه‌فته ئه‌حمه‌د ئه‌بولغه‌يز ئه‌ميندار گشتى كۆمكار وڵاته‌يل عه‌ره‌بى.
ئه‌لحه‌كيم له‌و ديداره جه‌خت له‌وه كرد كۆمكار عه‌ره‌بى ماڵ يه‌كه‌وگر گشت ده‌وڵه‌ته‌يل ئه‌ندامه‌و بايه‌سه له‌تى چاره‌سه‌ر ئه‌را گشت قه‌يرانه‌يليگ و ده‌سدريژيه‌يله دابنريه‌ێد ك ئه‌ياده تويش كاروان وڵاته‌يلمان وه‌تايبه‌ت له‌ى وه‌خته‌يله چه‌ن ده‌وڵه‌ته‌يگ عه‌ره‌بى تويش قه‌يران هاتنه، بيجگه روێ وه‌ڕوێ بوينه‌وه‌ى ريكخرياگه‌يل تيرۆرستى و هه‌ڕه‌شه‌يل ئه‌منى.
وه‌زير خارجيه‌ى عراقى ئه‌و بۆردمانه‌يل ئسرائيليه ره‌ته‌و كرد ك تويش چه‌ن ده‌وڵه‌تيگ عه‌ره‌بى هات ك جوور ده‌سدريژييه‌گه له‌بان ئه‌و ده‌وڵه‌ته‌يله‌و باس له‌وه‌يش كرد عراق گشت ريه‌يليگ ياسايى ئه‌گرێده‌وه‌ر ئه‌را وسيان له‌ڕوێ ئيچنه ده‌سدريژيه‌يليگ.
