شەفەق نیوز/ لیوای دویەم له‌ فیرقەی جەنگاوەری ئیمام عەلی له‌ حەشد شەعبی، ئمروو یەکشەممە، راگەیان لە ئامادەکردن و وەخاکسپاردن تەرم ٧١ مردگ نوو وەکۆڕۆنا لە ٢٤ سه‌عات گوزەیشتە، لە قەورسان وادی سەلام نوو لە نەجەف، ک تایبەتە وە مردگەیل پەتاگە.
فیرقەگە لە بەیاننامەیگ ك رەسیە ئاژانس شەفەق نیوز وت: ٧١ مردگە نووەگە وەیجوورە بەشەوبوینە: ٢٧ لە بەغداد، ١٣ لە زیقار ، ١١ لە میسان ، ٩ لە بەسرە ، ٥ لە واسیت ، ٥ لە دیوانیە، و یەکیگ لە سەڵاحەدین.
وەزارەت تەندروسی عراقی، رووژ شەمە تۆمارکردن زیاتر لە ١٠٠ مردن و ٢٠٠٠ تووشهاتگ وە ڤایڕۆس کۆڕۆنا راگەیان.