عه‌بادى: ئه‌وه‌گ روێدا ده‌رهه‌ق وه خوه‌ينيشانده‌ره‌يل وه‌گشت هيزيگه‌و دژى وسيه‌م
شه‌فه‌ق نيوز/ حه‌يده‌ر عه‌بادى سه‌رۆك ئئتلاف "نه‌سر" تومه‌تباركردن خوه‌ينيشانده‌ره‌يل وه پيلانكردن دژ عراق ره‌ته‌و كرد.
عه‌بادى له وته‌يگ له‌وه‌خت پيشوازيكردنى له بڕيگ له ريكخرياگه‌يل كۆمه‌ڵگاى مه‌ده‌نى په‌يوه‌نديدار وه مافه‌يل ئاده‌ميزاد، وت: ئه‌وه‌گ روێدا مه‌سه‌له‌يگ مه‌ترسيدار بوێ و كوشتن و بڕين و كپه‌وكردن ئازاديه‌يل و خراوه‌كاريه ئه‌را ديموكراسيه‌ت ك له‌يوا كرد رووڵه‌يلمان قوربانى ئه‌راێ بيه‌ن و ئيچنه ريڕه‌ويگ ره‌ته‌و ئه‌كه‌يم و وه‌گشت هيزيگه‌و دژى وسيه‌يم.
عه‌بادى يه‌يش ده‌رخست وڵاته‌گه هه‌وه‌جه وه چاره‌سه‌ر بنه‌ڕه‌تى و راسكانى ديرێد نه‌ك وه‌و جووره‌گ ئيسه روێدا، چوينكه خراوى ئداره‌و گه‌نده‌ڵى وڵاته‌گه وه‌ره‌و رمانن به‌ێد، يه‌يش له‌وه‌ختيگ عه‌بادى سه‌رى سوڕمه‌ند له‌وه‌گ حكومه‌ت تومه‌تبار خوه‌نيشانده‌ره‌يل كرد وه پيلانكردن و له‌هه‌مان وه‌خت ماته‌مينييش ئه‌رايان ئعلان كرد.
