له شار پزيشكى له به‌غدا چه‌ته‌يليگ دز ئه‌ندامه‌يلێ ئافره‌تن ده‌سگير كريان
شه‌فه‌ق نيوز/ وه‌زاره‌ت ناوخوه‌يى عراقى، ئاشكراى ده‌سگيركردن چه‌ته‌يليگ كرد ئه‌ندامه‌يلى ئافره‌تن و دزى له‌و كه‌سه‌يله ئه‌كه‌ن ك سه‌ردان نه‌خوه‌شه‌يل ئه‌كه‌ن له شار پزيشكى ك يه‌كه‌يگه له گه‌وراترين نه‌خوشخانه‌يل وڵاته‌گه.
له‌و باوه‌ته‌و، ليوا سعه‌د معه‌ن قسه‌كه‌ر وه‌ناو وه‌زاره‌ته‌گه له به‌ياننامه‌يگ وت: هيزه‌يل هه‌واڵگيرى پاسه‌وان دامه‌زرياگه‌يل و كه‌سايه‌تيه‌يل له ئاژانس هه‌واڵگيرى له وه‌زاره‌ت ناوخوه‌يى ده‌سگير چه‌ته‌يليگ كردنه ك پيكهاتنه له سێ ئافره‌ت و دزى له‌و كه‌سه‌يله كردنه ك سه‌ردان نه‌خوه‌شخانه‌گه ئه‌كه‌ن له‌ڕێ وه‌كارهاوردن ئامێره‌يل تايبه‌ت وه دزێ.
جى باسه، معه‌ن هه‌ميش وت: ئه‌و ئافره‌ته‌يله وه تاوانه‌و له‌وه‌خت دزيكردن له هاووڵاتييگ ده‌سگير كريانه‌و ئيفاده‌يان وه‌رگيرياگه و هه‌واڵه‌يان كرياسه لايه‌نه‌يل تايبه‌تمه‌ند.
