له كه‌ركوك.. ده‌يان كارمه‌ند له‌باره‌ى وه‌رنه‌گرتن مووچه گردبوينه‌وه ئه‌نجام دان
2020-04-26 11:06:15
شه‌فه‌ق نيوز/ ده‌مه‌و شه‌وه‌كى ئمڕوو ده‌يان كارمه‌ند گريه‌به‌س له وه‌زاره‌ت كاره‌با له پاريزگاى كه‌ركوك، گردبوينه‌وه‌يگ ناڕه‌زايه‌تى ئه‌نجا دان و له‌تى داواى خه‌رجكردن مووچه‌يليان كردن.
ئه‌و خوه‌ينيشانده‌ره‌يله ئه‌را په‌يامنێر شه‌فه‌ق نيوز باس له‌وه كردن ك ماوه‌ى په‌نج مانگه مووچه‌يليان وه‌رنه‌گرتنه‌و داوا له حكومه‌ت ناوه‌ندى ئه‌كه‌ن وه گورجترين وه‌خت مووچه‌يليان وه‌پيان بدريه‌ێد.
جى باسه، خوه‌ينيشانده‌ره‌يل باس له‌وه‌يش كردن مافه‌يليان له‌باره‌ى مووچه‌وه پايه‌ماڵ ئه‌كريه‌ێد ك له‌لايه‌ن ئه‌نجومه‌ن وه‌زيره‌يله‌و پشت وه‌پى به‌سريا سه‌باره‌ت وه كارمه‌نده‌يل گريه‌به‌س.
