له ناونى دو پاريزگاى عراقى شكه‌ست وه په‌لاماريگ تازه‌ى داعش هاوريا
شه‌فه‌ق نيوز/ هيزيگ له حه‌شد شه‌عبى تويه‌نست په‌لاماريگ ريكخرياگ تيرۆريستى داعس له‌ناونى هه‌ردوگ پاريزگاى دياله‌و سه‌ڵاحه‌دين پويچه‌ڵه‌و بكا.
له‌ى باوه‌ته‌و، خزه‌ير مه‌تروحى فه‌رمانده‌ى ليواى 21 له حه‌شد ئه‌را شه‌فه‌ق نيوز وت: هيزيگ له ليواى 21 روێ وه‌ڕوێ په‌لاماريگ داعش بويه‌سه‌و ك له‌لايه‌ن 13 چه‌كدار داعشييه‌و له ناوچه‌ى ئه‌لعێس له‌ناونى مه‌رزه‌يل قه‌زاى سامه‌ڕا و پاريزگاى دياله ئه‌نجام درياگه‌و ناچاريان كردگه بهه‌يوان وه‌بى تۆماركردن هويچ زه‌ره‌ديگ گيانى له‌ناونى رزه‌يل حه‌شد شه‌عبى.
جى باسه، مه‌روحى وشدارييش دا له‌باره‌ى زيايبوين شماره‌ى داعشيه‌يل له‌چوارچيوه‌ى كه‌رته‌يل متێبجه له‌ناونى دياله‌و سه‌ڵاحه‌دين و زيايبوين چالاكى تيرۆريستى و باس له‌وه‌يش كرد زوورم تيرۆريسته‌يل داعش له پاريزگايه‌يل تر واينه له‌وه‌ر كرده‌وه‌يل سه‌ربازى و داوايش له هه‌ردوگ سه‌ركردايه‌تى فه‌رمانده‌يى دياله‌و سه‌ڵاحه‌دينيش كرد پرووسه‌يل ئه‌منى و سه‌ركه‌فتگ ئه‌نجام بيه‌ن ئه‌را پاكه‌وكردن كه‌رته‌يل متێبجه له چه‌كداره‌يل داعشى و دويره‌وخستن مه‌ترسييان ئه‌را بان هه‌ردوگ پاريزگاى دياله‌و سه‌ڵاحه‌دين و به‌شه‌يليگ له كه‌ركوك.
