شەفەق نیوز/ سەرچەوەیگ ئەمنی، چوارشەممە، خەوەردا وە ئاشکراکردن تەرم ژنیگ نەناسریاگ وە دەسمیەتی سەگیگ لە ناوچەیگ لە بەغداد پایتەخت.
سەرچەوەگە ئەرا ئاژانس شەفەق نیوز وت: پیاویگ ك باخچەیگ گردویدە گرەو لە ناوچەی ئەعزەمیە لە بەغداد، شەوکی دویەکە سێشەممە، تەرم ژن نەناسریاگیگ دیەو.
سەرچەوەگە وتیش: پایەوەگە دویای ئەوە ک سەگیگ شوونێگ چاڵ کرد و بەشیگ لە تەرمیگ خستەدەیشت، ئاشکرا کرد ک تەرم ژنیگە. پێشبینیەگان ئاماژەدەن ک ژنەگە وەرجە دوو ساڵ وەخاکسپاریاگە، و دەسەڵاتەیل دەسکردنە لێکۆڵینەوە ئەرا ئاشکراکردن شناسنامەی ژنەگە و چوینیەتی مردنی.