مه‌ردم به‌سره له‌وه‌ر شكانن قه‌يه‌غه‌ى هاتوچوو كۆرۆنا پاسكيل وه‌كار ئه‌يه‌رن
2020-04-29 10:14:09
شه‌فه‌ق نيوز/ مه‌ردم به‌سره له باشوور عراق، روێ له وه‌كارهاوردن پاسكيل كردنه له‌وه‌ر ئه‌وه‌گ ده‌سڵاته‌يل ئه‌منى نه‌گرنه‌يان و وه‌و جووريشه قه‌يه‌غه‌ى هاتوچوو ته‌ندروستى تايبه‌ت وه بڵاوبوينه‌وه‌ى ڤايرۆس كۆرۆنا شكنن.
له‌ى باوه‌ته‌و، په‌يامنێر شه‌فه‌ق نيوز له پاريزگاى به‌سره وت: بڕيگ له هاووڵاتيه‌يل وه شيوه‌يگ ئه‌نقه‌ز پاسكيل وه‌كار ئه‌يه‌رن له‌وه‌ر واين له بازگه‌يل تايبه‌ت وه جيوه‌جيكردن قه‌يه‌غه‌ى هاتوچوو ته‌ندروستى.
يه‌يش له‌وه‌ختيگه سه‌رچه‌وه‌يگ پزيشكى ئه‌را شه‌فه‌ق نيوز وت: تيمه‌يل ئامار پزيشكى له پاريزگاى به‌سره حاڵه‌ته‌يل تويشبوين تازه وه كۆرۆنا تۆمار كردنه له دوياى پرسه‌گه‌ى هارسه و شماره‌يان له 40 كه‌س زياتر بويه له‌ناونى ناوه‌ند پاريزگاگه‌و باكوور به‌سره.
