هووزيگ عراقى داواى هه‌ڵگرتن چه‌ك ئه‌كا له كه‌ركوك
2020-05-05 11:19:59
شه‌فه‌ق نيوز/ شێخ مه‌يسم عه‌لى حه‌مدانى سه‌رۆك هووز ئه‌لبوحه‌مدان، داواى ئاشكراكردن بار نائاسايى و هه‌ڵگرتن چه‌ك كرد ئه‌را مقه‌يه‌تيكردن له پاريزگاى كه‌ركوك له مه‌ترسه‌يل ريكخرياگ تيرۆريستى داعش.
حه‌مدانى له بڵاوكرياگيگ له فه‌يسبوك ك شه‌فه‌ق نيوز ئاگادارى بوى، بانگه‌وازيگ وه‌په‌له داگه ئه‌را گشت هووزه‌يل و ئاوايه‌يل عه‌ره‌ب له باشوور خوه‌رئاواى كه‌ركوك و داواى بار نائاسايى و هه‌ڵگرتن چه‌ك كردگه له‌وه‌ر مقه‌يه‌تيكردن ناوچه‌يليان له مه‌ترسيه‌يل داعش.
جى باسه، زويتيش سه‌رچه‌وه‌يگ ئه‌منى ئه‌را شه‌فه‌ق نيوز وت: چه‌كداره‌يل داعش په‌لاماريگ ئه‌را بان خاڵيگ سه‌ر وه حه‌شد شێخ وه‌سفى عاسى له ئاوايى عه‌سريه له ناحيه‌ى تازه له باشوور كه‌ركوك ئه‌نجام دانه‌و چوار قوربانى له ڕزه‌يل حه‌شد له‌لى كه‌فته‌سه‌و.
