2019-10-12 09:19:07
شهفهق نيوز/ هاوپهيمانى بنياتنان و خاسسازى، ئاشكراى هووكار دوياخستن دهنگداين ئهنجومهن نوێنهرهيل عراقى لهبان ههمواركردن وهزارى كرد ئهرا دوياى زيارهت چلهى ئيمام حسێن سڵام خودا لهلێ.
لهى باوهتهو، بهدر زهيادى ئهندام لهبان هاوپهيمانيهگه ئهرا شهفهق نيوز وت: دهنگداين لهبان ههمواركردن وهزارى ئهرا دوياى زيارهت چله، لهوهر دقهتكردن زياتر زانيارى كانديدهيل بويهو لهوهر ئهوهيش ك تهوافق بدێ لهناونى فراكسيۆنهيل پهرلهمانى لهبان ئى ههمواركردنه.
زهيادى وت: ناكووكى و جياوازى لهناونى ئى فراكسيۆنهيل پهرلهمانيه لهبان ههمواركردن وهزارێ ناخوازيم وهتايبهت ك ئهنجومهن نوێنهرهيل عراقى مكوڕه لهبان پشتگيرى خاسسازى و ههمواركردن وهزارى و پشتگيريكردن حكومهت عادل عهبدولمههدى.