هيزه‌يل سياسى ريككه‌فتن له‌بان پشتگيريكردن حكومه‌ت عه‌لاوى
2020-02-19 11:19:30
شه‌فه‌ق نيوز/ سه‌باح كه‌ربولى سه‌ركرده له هاوپه‌يمانى هيزه‌يل عراقى باس له شيوازه‌يل دانيشتن سه‌ركرده‌ى هيزه‌يل سياسى كرد له ماڵ محه‌مه‌د حه‌لبوسى سه‌رۆك په‌رله‌مان عراقى ك تايبه‌ت بويه وه حكومه‌ت محه‌مه‌د تۆفيق عه‌لاوى سه‌رۆك وه‌ويره‌يل راسپارياى.
كه‌ربولى ئه‌را شه‌فه‌ق نيوز وت: سه‌ركرده‌ى هيزه‌يل سياسى ريككه‌فتنه له‌بان پشتگيريكردن حكومه‌ت تازه و وه‌پيداين متمانه وه محه‌مه‌د تۆفيق عه‌لاوى سه‌رۆك وه‌ويره‌يل راسپارياى، ئه‌ويش دوياى پيشكه‌شكردن كانديده‌يل له پيكهاته‌يل و وه‌پيداين ئازادى ته‌واويك وه عه‌لاوى ئه‌را هه‌ڵوژاردن وه‌زيره‌يلى.
جى باسه، كه‌ربولى هه‌ميش وت: هه‌ر وه‌زاره‌تيگ زياتر له كانديديگ ئه‌راى پيشكه‌ش كرياگه‌و عه‌لاوى ئازاده له هه‌ڵوژانن وه‌بى فه‌رزكردن هويچ كه‌سايه‌تييگ.
