هيزه‌يل هاوبه‌ش عراقى ده‌سكردنه پرووسه‌يگ سه‌ربازى ئه‌را بان بنگه‌يل داعش
2020-05-05 10:22:39
شه‌فه‌ق نيوز/ هيزه‌يل هاوبه‌ش عراق، پرووسه‌يگ سه‌ربازى ئه‌نجام دان ئه‌را بان بنگه‌يل ريكخرياگ تيرۆريستى داعش له پاريزگاى سه‌ڵاحه‌دين.
شانه‌ى ره‌سانن ئه‌منى له به‌ياننامه‌يگ ئه‌را شه‌فه‌ق نيوز وت: كه‌رته‌يل سه‌ركردايه‌تى فه‌رمانده‌يى سه‌ڵاحه‌دين و ليوايه‌يل 45 و 35 و 42 و 6 له حه‌شد شه‌عبى ده‌سكردنه‌سه پرووسه‌يگ سه‌ربازى له چوار لاوه ئه‌را وشكانن و گه‌ردين له‌شوون پاشماوه‌يل راونرياگ داعش له ده‌ورگرد ناحيه‌ى مگێشيفه و ناوچه‌يل تر ده‌ورگرد خوه‌رئاواى ده‌رياچه‌ى دجله.
جى باسه، سه‌رچه‌وه‌يل ئه‌منى و ناوچه‌ييش باس له‌وه كردن ده‌مه‌و شه‌وه‌كى شه‌ممه‌ى گوزه‌يشت كه‌رته‌يل حه‌شد شه‌عبى تويش چه‌ن په‌لاماريگ داعش بوينه‌سه‌و له ناوچه‌يل باشوور شار تكريت و شماره‌يگ كوشياگ و زه‌خمدار له‌ليان كه‌فته‌سه‌و.
