شەفەق نیوز/ دەسەی تەندروسی و ژینگەی پەرلەمانی، ئمڕوو یەکشەممە، سەرسامی خوەی نیشاندا ئەرا نەوین هەڵمەتیگ لەلایەن وەزارەتە ئەمنیەگان ئەرا نواگردن پەتای ڤایڕۆس کۆڕۆنا و کۆنتڕۆڵ کردنی، وئاماژەدا وە ئەزمونەگەی هێزە چەکدارەیل میسری لەی باوەتە.
عەبدول حسێن موسەوی، لە بەیاننامەیگ ك رەسیە ئاژانس شەفەق نیوز وت: چەومان کەفتە راپۆرتیگ ئەرا هەڵمەت هێزە چەکدارەیل میسر لە ئامادەکردن خەسەخانەیگ لە یەکیگ لە کامپەیلی وە ٤٠٠٠ شەوخەف ئامادەکریاگ وە خوازین هەر بیماریگ لە کەرت ئەوزەڵکردن سویەیی R C U ، وە کادرەیلی و ئەندامەیل تایبەتی، ودویەکە شەممە دریا دەس وەزارەت تەندروسی میسری وئامادەبوین سەرۆک کۆمار میسری.
موسەوی هەمیش وت: سەرسامیمن ک ئیجور هەڵمەتیگ نیە لەلایەن وەزارەتە ئەمنیەگان وەگەرد زانیاریمان لە توانای خوەیەتی ولۆجستییان، وتیش؛ رەوش ئاڵوز و کۆنتڕۆڵ لەدەسدان لە نواگردن پەتاگە، وەهویچ نوا نیەگریەێد مەگەر تەنیا وەوەگ دەوڵەتەگە وەپی نوای کەفتن سێ بەش روبەر عراق لە لایەن چەتەیل داعش، هەنای گشت توانا وداهات و وەزارەتەیلی گردەو کرد ئەرا نواگردن مەترسی ئەو چەتەیل تاوانبارە، و خستەی وەردەس دەزگا ئەمنی و چه‌كداریه‌گان.
هەمیش وت: ئیمە ئیسە پێوستی دیریمن ئەرا وەکارهاوردن تەواوەتیییگ ئەرا ئەو كوششه‌ وئەو توانایلە لە گشت وەزارەتەگان ئەرا ته‌قالای وەزارەت تەندروسی لە نواگردن پەتاگە.