شه‌فه‌ق نيوز/ ماڵپه‌ڕيگ ئه‌لكترۆنى عبرى ئه‌وه‌ ده‌رخست ك گردبوينه‌وه‌ى ئيران و ئه‌مريكا له‌ پشت په‌رده‌وه‌ وه‌ نهێنى ئه‌نجام ئه‌گرێد وه‌ئامانج ره‌سين ئه‌را ريككه‌فتنيگ له‌ناونى هه‌ردوگى وه‌ سه‌رپه‌رشى ده‌وڵه‌ته‌يل ناوجيوان عه‌ره‌بى و ناوده‌وڵه‌تى.

ماڵپه‌ڕ هه‌واڵ ئه‌لكترۆنى ئسرائيليه‌"نتسيف نێت"، باس له‌وه‌ كرد ده‌وڵه‌تيگ عه‌ره‌بى ئه‌دێده‌ هه‌ڵقه‌ى وه‌يه‌كڕه‌سين گرنگ و سه‌ره‌كى له‌ناونى ئه‌و هه‌ردوگ وڵاته‌ ئه‌را كاركردن له‌بان ئمزاكردن ريككه‌فتنيگ مه‌بده‌ئى له‌ناونيان.

جى باسه‌، ماڵپه‌ڕه‌ عبريه‌گه‌ وت: عراق ئه‌دێده‌ خاڵ وه‌يه‌كڕه‌سين راسكانى له‌ناونى ئيران و وڵاته‌يل يه‌كگرتگ ئه‌مريكا و ئه‌و ريككه‌فتنيشه‌ وه‌ ره‌زامه‌نى ئداره‌ى ئه‌مريكى ئه‌نجام ئه‌گرێد ئه‌را ئه‌وه‌گ ئيران بڕ فريه‌يگ نه‌فت بفرووشێد وه‌رانوه‌ر رێگه‌داين وه‌ ته‌هران ئه‌را سه‌ندن كاڵا له‌ڕێ عراقه‌و.