شه‌فه‌ق نيوز/ ده‌سڵاته‌يل كووچ له‌ كۆستاريكا ئاشكراى ئه‌وه‌ كردن ك نيكاراگوا بڕيگ مسرى و عراقى وه‌ گومان ئنتمابوينيان ئه‌را ريكخرياگ تيرۆريستى داعش ده‌ستگير كردگه‌و دوياخريش ره‌وانه‌يان كردگه‌ ئه‌را كۆستاريكاو له‌ورايشه‌و ده‌ركريه‌ن.

له‌ى باوه‌ته‌و، فيسان خوسيه‌ وه‌ڕيه‌وبه‌ر كووچ وت: چوار پياو ده‌رئه‌كريه‌ن ئه‌را وڵاته‌يليان دوياى ته‌واوبوين په‌يجوورى وه‌ليانا، ئه‌ويش له‌وه‌ر بارودوخ ناياساييان له‌ كۆستاريكا و پيكهاتنه‌ له‌ محه‌مه‌د ئبراهيم(23 ساڵ) و مه‌حمود سامى عيسى(26 ساڵ) ك هه‌ردوگيان مسريين و ئه‌حمه‌د غانم محه‌مه‌د جبورى(41 ساڵ) و مسته‌فا عه‌لى محه‌مه‌د يه‌عقوب(29 ساڵ)عراقى، ك له‌ نيكاراگوا ده‌سگير كريانه‌.

جى باسه‌، ئى چوار كه‌سه‌ له‌ 9 يۆنيۆ له‌ به‌نه‌ماوه چينه‌سه‌ ناو كۆستاريكا و ده‌سگير كريانه‌، يه‌يش له‌وه‌ختيگ وه‌گووره‌ى ريككه‌فتن كووچ ناونى هه‌ردوگ وڵات رووژانه‌ رێ وه‌ چگن 100 كووچكه‌ر ئه‌دريه‌ێد.