پرووسه‌يگ سه‌ربازى ئه‌را بنبڕكردن داعش له نزيك مه‌رزه‌يل عراق وسوريا ده‌سوه‌پيكرد
2020-06-08 09:44:18
شه‌فه‌ق نيوز/ ده‌مه‌و شه‌وه‌كى ئمڕوو، عراق ده‌سكرده ئه‌نجامداين پرووسه‌يگ سه‌ربازى ك وجوود چه‌كداره‌يل ريكخرياگ داعش ئه‌گرێده ئامانج له نزيك مه‌رزه‌يل عراق و سوريا.
له‌ى باوه‌ته‌و، سه‌رچه‌وه‌يل سه‌ربازى ئه‌را ئاژانس شه‌فه‌ق نيوز وتن: ئه‌و پرووسه‌ى سه‌ربازيه له قويلايى بياواان له جزيره‌ى نه‌ينه‌وا ده‌س وه‌پيكردگه ئه‌را بنبڕكردن پاشماوه‌يل داعش و پاككردنه‌وه‌ى هێڵ مه‌رزى له‌ناونى عراق و سوريا.
هه‌مان سه‌رچه‌وه‌يل باس له‌وه‌يش كردن، تيمه‌يل 15 و 20 له‌سوپاى عراقى و سه‌ركردايه‌تى فه‌رمانده‌يى خوه‌رئاواى نه‌ينه‌وا و سه‌ركردايه‌ى فه‌رمانده‌يى سه‌ڵاحه‌دين و ليواى ئه‌نساروڵڵاى مه‌رجه‌عيه وه پشتگيرى ته‌ياره‌يل سوپا و ئه‌ندازيارى سه‌ربازى به‌شدارى له‌و پرووسه ئه‌كه‌ن.
