شەفەق نیوز/ فوڕات موسەوی پسپۆر باوەتەیل نەفت و وزە، ئمڕوو یەکشەممە، پێشبینی کرد ک نرخ یەک بەرمیل نەفت رەسێدە ٤٠ دۆلار لە مانگ تەموز هاتگ.
موسەوی ئەرا شەفەق نیوز وت؛ نرخ نەفت ئارامی نەیرێد وجیگیر نیە، چوینکە لەبان بنەمای بڕیگ ئاڵشتبوی ئابووری نریایە ، جوی فرەوەبوی داوای وزەی جهانی، لە ئەنجام سوککردن قەیغە گشتیەگە و ئاڵشت کردنی ئەرا بەشە قەیەغەیگ، ک جموجویلیگ بازرگانی وپیشەسازی دروس کرد.
وتیش؛ ئاڵشبویەیلیگ هەس ک بوینە هۆکار بەرزەوبوین نرخ نەفت وڕەساننی ئەرا ٣٠ دۆلار ئەرا یەک بەرمیل، ئەویش کەمکردن بەرهەمە لەلاین سعودیە وگورەی یەک مەلیۆن بەرمیل لە روژیگ، ئیجا کوەیت وئیماڕات بوینە هاوکار لە کەمەوکردنەگە، یە گشتی هێشت نەفت بەرزه‌و بوود.
موسەوی ئاماژە دا ک نرخ نەفت وەگەرد بەرزەوبوین داواگان خاسەوبوود و رەسێدە ٤٠ دۆلار لە مانگ تەمووز، وەل خاسەوبوین رەوش پەتاگە لە جهان وکەمەوبوین رێژەی تویشهاتن وە ڤاێڕۆس کۆڕۆنا،هه‌میش به‌رزه‌و وود.