پنتاگۆن پيشنيار كلكردن راوێژكاره‌يل سه‌ربازى ئه‌كا ئه‌را عراق
2015-08-13 08:59:57
ئوديرنو له‌ى باوه‌ته‌و ئه‌را رووژنامه‌نويسه‌يل ك(شه‌فه‌ق نيوز)ئاگادارى بوى، وت: ئه‌گه‌ر وڵاته‌يل يه‌كگرتگ راوێژكاره‌يل سه‌ربازى ئه‌را عراق ره‌وانه بكا وه‌خاتر ياوه‌ريكردن هيزه‌يل عراقه له وه‌خته‌يل جه‌نگ، ئه‌وه بيگومان ئاكام خاسيگ له‌لى ئه‌كه‌فێده‌و.
ناوبرياگ ئاماژه وه‌يه‌يش كرد ك وه‌زاره‌ت وه‌رگرى ئه‌مريكى ناچاره روى له باراك ئۆباما سه‌رۆك ئه‌مريكى بكا له‌باوه‌ت ئى پيشنيار كلكردن راوێژكاره‌يل سه‌ربازيه ئه‌را عراق له حاڵه‌تيگ ئه‌گه‌ر بار عراق روى له خاسى نه‌كا.
