په‌رله‌مانتاريگ: حكومه‌ت تازه هويچ وه‌زيريگ وه‌رين ناگرێده خوه‌ى
2020-02-15 08:19:54
شه‌فه‌ق نيوز/ سه‌لام شه‌مه‌رى ئه‌ندام ئه‌نجومه‌ن نوێنه‌ره‌يل له‌بان هاوپه‌يمانى سائيرون، وت: محه‌مه‌د ته‌وفيق عه‌لاوى سه‌رۆك وه‌زيره‌يل راسپارياێ تاڕاده‌يگ ناوناين وه‌زيره‌يل حكومه‌ته تازه‌گه‌ێ ته‌واو كردگه.
شه‌مه‌رى له به‌ياننامه‌يگ ئه‌را شه‌فه‌ق نيوز وت: دامه‌زرانن حكومه‌ت تازه له كه‌سه‌يل سه‌روه‌خوه‌ى و ته‌كنۆكرات ئه‌دێ و هويچ وه‌زيريگ وه‌رين له‌تيان نيه، ك هه‌رچه‌نى داواكارى خوه‌ينيشنده‌ره‌يل و مانگرتگه‌يل ئاشتيخواز و رينمايه‌يل مه‌رجه‌عيه‌ى ئاينييش له‌بان ئى مه‌سه‌له بويه.
جى باسه، شه‌مه‌رى هه‌ميش وت: زوورم فراكسيۆنه‌يل سياسى هان وه‌ل ئى راسپارده‌و ده‌نگ له‌بان حكومه‌ت تازه ئه‌دريه‌ێد و متمانه وه‌پى ئه‌دريه‌ێد له‌چوارچێوه‌ى ماوه‌ى ده‌ستوورى.
