په‌مپيۆ: وه‌رده‌وامى ئه‌يه‌يمنه سه‌ركردايه‌تى له‌ناوبردن داعش و ده‌سميه‌تداين عراق
2019-11-14 18:25:13
شه‌فه‌ق نيوز/ مايك په‌مپيۆ وه‌زير خارجيه‌ى ئه‌مريكى، ئاشكراى وه‌رده‌وامبوين وڵاته‌گه‌ى كرد له سه‌ركردايه‌تيكردن هاوپه‌يمان ناوده‌وڵه‌تى ئه‌را له‌ناوبردن داعش.
په‌مپيۆ له دانيشتن وه‌زارى ده‌وڵه‌ته‌يل ئه‌ندام له هاوپه‌يمان ناوده‌وڵه‌تى دژ داعش وت: ئه‌مريكا هه‌وڵ ريگرى له‌و ريكخرياگه ئه‌كا ك گام وه‌ره‌و ئه‌فريقيا بنه‌ێد و واشنتۆن وه‌رده‌وام ئه‌دێ له سه‌ركردايه‌تيكردن له‌ناوبردنى.
وه‌زير خارجيه‌ى ئه‌مريكا وت: هه‌وڵ ئه‌يه‌يم داعش نه‌تويه‌نێد زاڵ بدێ له‌بان سه‌رچه‌وه‌يل نه‌فتى له باكوور خوه‌رهه‌ڵات سورياو جه‌ختيش له‌وه كرد وڵاته‌گه‌ى ده‌سميه‌ت عراق ئه‌ياد له‌وه‌ر هاوردنه‌وه‌ى زياتر له 4 مليۆن ئاواره ئه‌را ناوچه‌يليان.
