پەرلەمان عراق لێکۆڵینەوە لە گەندەڵی کەهرەبا کەێد
شەفەق نیوز/ دەسەی لێکۆڵینەوەی تایبەت وە گریەبەسەیل کەهرەبا، سێشەممە، ئاشکراکرد وه نیازه لە سووەو روی بكاده بینای وەزارەتەگە ئەرا کردنەوەی فایەلەگانی ساڵ ٢٠٠٦ وه‌رو دویا .
موزر سەلمان ئزێرجاوی ئەندام دەسەگە ئەرا ئاژانس شەفەق نیوز وت: دویەکە، دەسەی لێکۆڵینەوەی پەرلەمانی لە کەرت کەهرەبا یەکەمین دانیشتنی ئەنجامدا، جوور ئامادەکردنیگ ئەرا کارەیل لێکۆڵینەوە لە باوەتەیل گەندەڵی و وه‌هه‌ده‌ردان دارایی گشتی لە وەزارەت کەهرەبا.
وتیش: سوو چوارشەممە، دەسەگە چوود ئەرا بینای وەزارەت کەهرەبا، ئەرا بەسانن کۆبونەوەیگ وەگەرد وەزیر ماجد حەنتووش و جینیشینەیل وه‌زیر و وەڕیەوبەرە گشتیەگان و نووڕستن وە فایەلەگان و بەشیگ لە کارە گرنگەگان، ودیاری کرد ک دەسەگە ئەوەسا تەماشا کەێد کام فایەل بکیشێد و لەلی سودمەن بوود لە لێکۆڵینەوەگە.
ئزێرجاوی ئاماژەدا؛ دەسەگە گشت گریەبەسەگان لە وەزارەت کەهرەبا لە دویای ٢٠٠٦ کەێدەو، لەلیان واژوو کردن گریەبەسەیل وەگەرد کۆمپانیاگان و باوەت فەرمانبەریل لە وەزارەتەگە.
محمد حەلبوسی، لە ١٢ی ئی تەمووزە، رینما دا وە دروسکردن دەسەیگ ئەرا ووردبینی ولێکۆڵینەوە لە گریەبەسەگان وەزارەت کەهرەبا.
دویەکە دووشەممە، دەسەگە یەکەمین دانیشتنی ئەنجامدا وە سەرپەرشتی حەسەن کەعبی جیگر یەکەم سەرۆک ئەنجومەن نوێنەران، ک دووپاتکرد لە خەرجکردن پویل ئه‌را وەزارەت کەهرەبا زیاتر لە ئەو وەزارەتەگان وەبی گەشەکردن
