"چه‌ورى" ئاوه‌يل به‌سره پيس كردگه‌و له فشار په‌كيان خستگه
2020-06-15 18:07:44
شه‌فه‌ق نيوز/ فه‌رمانگه ئاو به‌سره، فشارداين ئاو له پرووژه‌ى ربات له پاريزگاگه وسان، ئه‌ويش له‌وه‌ر پيسبوين ئاوه‌يل وه چه‌ورى.
له‌ى باوه‌ته‌و، زوهێر موسه‌وى وه‌ريه‌وبه‌ر فه‌رمانگه‌ى ئاو به‌سره ئه‌را ئاژانس شه‌فه‌ق نيوز وت: كاركردن وه ويستگه‌يل فشارداين ئاو وسياگه له‌وه‌ر وجوود په‌ڵه‌ى چه‌ورى له نزيك پرووژه‌يل ئاوكيشه‌ره‌يل ئه‌را پرووژه‌ى ئاو ربات له ناوه‌ند پاريزگاگه.
موسه‌وى هه‌ميش وت: ئاگادار فه‌رمانگه‌ى ژينگه‌ى پاريزگاى به‌سره و كۆمپانياى گشتى به‌نده‌ره‌يل عراق كرياگه له‌وه‌ر چاره‌سه‌ر ئى پيسبوينه، ئاماژه وه‌يه‌يش كرد دوياى چاره‌سه‌ر ئه‌و چه‌ورييه دوياره فشارده‌ره‌يل ئاو ئه‌خريه‌نه كار.
