شه‌فه‌ق نيوز/ وه‌زير ئاوه‌دانكردنه‌وه‌و نيشته‌جيكردن له‌ حكومه‌ت هه‌رێم كوردستان، ئاشكراى ئه‌وه‌ كرد وه‌ بوونه‌ى كويه‌نبوين تونێله‌گه‌ى ده‌ربه‌نديخان تونێليگ تر هه‌ڵكه‌نيه‌ێد و وت: رێ هه‌ولێر - كوێسنجه‌ق و تونێل هه‌ولێر - پيرمام له‌ وه‌خت دياريكرياگ خوه‌يان ته‌واو ئه‌كريه‌ن.

له‌و باوه‌ته‌و، دانا عه‌بدولكه‌ريم سه‌ردان تونێل هه‌ولێر - پيرمام كرد و له‌ كۆنگره‌يگ رووژنامه‌گه‌رى وت: وه‌بوونه‌ى كويه‌نبوين تونێله‌گه‌ى ده‌ربه‌نديخان بڕيار درياگه‌ تونێليگ تر وه‌شيوه‌يگ سه‌رده‌ميانه‌ هه‌ڵكه‌نيه‌ێد وه‌ل خاسسازيكردن له‌ تونێله‌ كويه‌نه‌گه‌و ئاماژه‌ وه‌يه‌يش كرد له‌ماوه‌ى چوار ساڵ ئايند وه‌زاره‌ته‌گه‌ كار له‌بان ته‌واوكردن كار له‌ڕێ دوسايدى ناونى سلێمانى - كه‌لار ئه‌كا وه‌خاتر كه‌مه‌وكردن له‌ قوربانيه‌يل روێداگ هاتوچوو له‌ ناوچه‌گه‌.

عه‌بدولكه‌ريم هه‌ميش وت: مه‌سه‌له‌ى پرووژه‌ى خه‌ت ئاسنين و به‌رنامه‌ى وه‌زاره‌ته‌گه‌يش ئه‌را چوار ساڵ ئاينده‌ كلكرياگه‌ ئه‌را ئه‌نجومه‌ن وه‌زيره‌يل و هه‌روه‌ختيگ په‌سه‌ن كريا دى ئه‌و وه‌خته‌ وه‌زاره‌ته‌گه‌ شيوازه‌گه‌ى و خه‌رجه‌گه‌يشى ئاشكرا ئه‌كا.