ئداره‌ى ئبراهيم خه‌ليل دڵنيايى دا: ئاڵشت وئوڵشت بازرگانى وه‌گووره‌ى ئى ميكانيزمه‌سه
شه‌فه‌ق نيوز/ كامى كه‌مال قسه‌كه‌ر وه‌ناو ده‌روازه‌ى مه‌رزێ ئبراهيم خه‌ليل دڵنيايى دا هاووڵاتيه‌يل هه‌رێم كوردستان، وه ئه‌وه‌گ رێ وشوونه‌يل تون ته‌ندروستى له ماوه‌ى پرووسه‌ى ئاڵشت و ئوڵشت بازرگانى وه‌ل توركيا وه‌شيوه‌يگ گوزه‌ر كرد وه‌بى ئه‌وه‌گ ڤايرۆس كۆرۆنا جيواز بدێ ئه‌را ناو هه‌رێم دوياى به‌رزه‌وبوين شماره‌ى حاڵه‌ته‌يل تويشهاتن له ئه‌و ديمه‌گه‌ى مه‌رز.
كه‌مال له لێدوانيگ تايبه‌ت ئه‌را شه‌فه‌ق نيوز، وت: رێ وشوونه‌يل ته‌ندروستى له ده‌روازه‌گه وه‌بى وجوود هويچ كه‌لينيگ ئه‌را جيوازبوين ڤايرۆس گوزه‌ر كرد و باسيش له وجوود هه‌ماهه‌نگى به‌رزيگ كرد له‌باره‌ى له‌وه‌رگرتن رێ وشوونه‌يل ته‌ندروستى له ده‌روازه‌ى خابوور وه‌ل لايه‌نى توركى.
جى باسه، كه‌مال له‌باره‌ى ئاڵشت و ئوڵشت بازرگانييش له‌وه‌ختيگ ك حاڵه‌ته‌يل تويشهاتن وه كۆرۆنا له توركيا روێ له به‌رزه‌وبوين كردگه، وت: شوفێره‌يل له كوردستان وه‌رجه ئه‌وه‌گ روێ له توركيا بكه‌ن ئه‌را كيشانن عه‌ربانه‌يل كاڵا، وشكانن ئه‌ڕايان ئه‌كريه‌ێد له‌وه‌ر دڵنيايى له تويشنه‌هاتيان وه ڤايرۆس و بايه‌سه سه‌ياره‌و دڵنگه‌يليان پاكه‌و بكريه‌ن وه‌رجه ئه‌وه‌گ بچنه ناو خاك توركيا وه‌بى وه‌ركه‌فتن وه شوفێره‌يل تورك و له هه‌مان وه‌خت هه‌ناى ك دوباره له توركياوه گله‌و ئه‌خوه‌ن جاريگتر ته‌عقيم كريه‌ن و شوفێره‌گه‌يش كه‌ره‌نتينه ئه‌كريه‌ێد له‌وه‌ر زه‌مانه‌ت حاڵه‌ت ته‌ندروستى و ئه‌و كاڵايش ك ئه‌ياده ناو هه‌رێم كوردستانه‌وه له‌لايه‌ن ليژنه‌يل تايبه‌ته‌و وشكانن ئه‌رايان ئه‌كريه‌ێد.
