ئه‌نداميگ باڵا دوياى 40 ساڵ ده‌س له يه‌كێتى ئسلامى كوردستان كيشاوه
2019-12-25 18:56:32
شه‌فه‌ق نيوز/ مه‌ولود باوه موراد ئه‌ندام مه‌كته‌ب سياسى يه‌كێتى ئسلامى كوردستان، ئه‌وه ده‌رخست ك نامه‌يگ ئاراسته‌ى ئه‌ميندار گشتى حزبه‌گه‌ى و ئه‌ندامه‌يل سه‌ركردايه‌تى كردگه‌و له‌تى جه‌خت له ده‌س له‌كاركيشانه‌وه‌ى خوه‌ى كردگه له ئه‌ندامێتى مه‌كته‌ب سياسى و كۆنگره‌ى شه‌شه‌م يه‌كێتى ئسلامى.
باوه موراد له نامه‌ى ده‌س له‌كاركيشانه‌وه‌گه‌ێ ئه‌وه نويساگه ك ماوه‌ى 40 ساڵ گوزه‌يشت له كاره‌گه‌ى له حزب ئسلامى و 25 ساڵ له سه‌ركردايه‌تى يه‌كێتى ئسلامى، به‌رژه‌وه‌ندى و ئه‌رك حزب خسته‌سه نواى به‌رژه‌وه‌ندى خودى.
باوه موراد باس له‌وه‌يش كردگه ك زويتر بڕيار داگه خوه‌ى له كۆنگره‌ى هه‌يشته‌م ئه‌را هه‌ر پۆستيگ كانديد نه‌كاو جه‌ختيش له‌وه ئه‌كا ك ئمڕوو ئه‌خوازێد دوپاتى بكا جاريگتر خوه‌ى كانديد ناكا.
