ته‌قينه‌وه‌يگ له سلێمانى كوشيان و زه‌خمداربوين شه‌ش كه‌س له‌لێ كه‌فته‌وه
2019-10-15 19:15:33
شه‌فه‌ق نيوز/ سه‌رچه‌وه‌يگ ئه‌منى ئاشكراى كوشيان و زه‌خمداربوين شه‌ش كه‌س كرد له ئه‌نجام ته‌قينه‌وه‌يگ له پاريزگاى سلێمانى له هه‌رێم كوردستان.
سه‌رچه‌وه‌گه ئه‌را شه‌فه‌ق نيوز وت: له‌و ته‌قينه‌وه دو كه‌س كوشيانه‌و چوار كه‌سيش زه‌خمدار بوينه ك پيشبينى ئه‌كريه‌ێد نارنجه‌كيگ ده‌سى بويه له‌بان جه‌وه‌ڵ ئه‌زمه‌ڕ له سلێمانى.
جى باسه، سه‌رچه‌وه‌گه هه‌ميش وت: ده‌سڵاته‌يل ئه‌منى شه‌ش كه‌س له هاووڵاتيه‌يل عه‌ره‌ب ده‌سگير كردنه‌و ته‌رم هه‌ردوگ كه‌سه كوشيايه‌گه جيواز كردنه ئه‌را دادوه‌رى پزيشكى له شاره‌گه‌و زه‌خمداره‌يليش جيواز كريانه ئه‌را نه‌خوه‌شخانه‌ى شار له‌ناوڕاس شار سلێمانى.
