حکومەت هەرێم کوردستان هۆکارەیل دەسوەسەرکردن خۆپیشاندەرەیل دهۆک ئاشکرا کرد
دیندار زیباری وەرێکخەر رێنماییه ناودەوڵیەتاگان لە حکومەت کوردستان، ئمڕوو سێشەممە وت؛ خۆپیشاندەرەیل دهۆک ئەرا خاتر پێشەلکاریان لە رێوشوێنەیل وکارەیل مقەیەتی لە بڵاوبوین ڤاێڕۆس کۆڕۆنا دەسوەسەرکریان.
زیباری لە بیاننامەیگ ئمڕوو وت؛ روژ شەممە ١٦/٥/٢٠٢٠ - ١٩ کەس دەسوەسەر کریان چوینکە خوپیشاندانیگ بی موڵەت ئەنجام دان، وەگەرد برێک کەسەیل تر، لەبان شکانن رێوشوێنەیلە ك حکومەتیەگە لەباوەت پەتای ڤاێڕۆس کۆڕۆنا دیارییان كردبی، وپارێزگای دهۆک موڵەت نەیاگە وە ئەنجامدان ئەو خۆپیشاندانە.
وتیش؛ خۆپیشاندەرەیل دەمامەک ودەسکیش وەکارناوردن، وپابەند کارەیل دویرەوکەفتن له‌یه‌كترنەوێن، ئەرا وە پۆلیس دهۆک هەوڵدا جه‌م خوپیشادەرەیل لەیەک بچەکنێد، بەڵکم خۆپیشاندەرەیل پاپای نەوین، لەبان یەیش گشت ١٩ کەسەگە مەرەقەز کریان وە کەفالەت، وهەمیش بڕیگتر دەسوەسەرکریان، لەبان سکاڵای دادوەری ک بڕێگ لە پۆلیسه‌یل زه‌خمدار كردن .
زیباری هەمیش وت؛ وەگورەی دادگای دووارەیی دهۆک، تەنیا لەبان پێشەلکاری رێنما حکومەتیەگان، دەسوەسەر خۆپیشاندەرەیل کریاگ، ک لە یاسای ژمارە ٢٤٠ لە یاسای سزادانەیل عیراقی هاتگە، نەگ لەبان تاوانیگ، ئەو یاسا هیلێد حکومەت وە راستەخۆ یاساگە وەجی بارێد، لە وه‌خت پێشەلکاری.
وتیش؛ دەسوەسەر روژنامەنوسیگ لەناو ناڕەزایەتیەگە کریا، ئمجالە قۆناغەیل دویایی لێکۆڵینەوەگە ئاشکرای خوەی کرد ک رۆژنامەنوسە، ک ئه‌ویش وەبی کەفالەت وه‌ردریا.
ئاماژەیش دا ک وەشیوەی گشتی، خۆپیشاندەرەیل دەسگیرکریاگ رۆژنامەنوس نەوین، ئەراوە گومان کریا ک خەریک ئاژاوە بوین، وەپێچەوانەی ئەوە، یاسای روژنامەوانی کوردستان وەتەواوی ئەکتیڤە، ناڕەزایەتیەگە ده‌س له پشتی بوی ئەرا ئامانجەیل سیاسی، موڵەت وەپیان نەدریا، هویچ داواکارییگ وەرجەیە نەخریاسە وەردەس لە لاین سەندیکای ماموستایان یا بڕیگ ماموستا، ئی ناڕەزایەتیە وه سیاسی کریاگ بوی.
بەرپرسە حکومەتیەگە وتیش؛ فرە له خۆپیشاندەرەیل لە دەیشت دهۆکەو هاتن، بیجگە ئەوە، ئەندامەیل مەکتەب سیاسی بڕیگ لە حزبەیل ئۆپۆزسیۆن وەشیوەیگ راستەخۆ بەشداربوین، بیجگە کادرەیل سیاسی بڕیگ لە حزبەگان، لەبان ئەوەیش، دەزگا ئەمنیەگان زانیاری دیرك له باوه‌ت هاندان رێکخراوەیلیگ سەروە پارت کرێکاران کوردستان ئه‌را ئه‌نجامدان ناڕەزایەتیەگان.
هەمیش وت؛ کارەیل روژنامەوانی لە هەرێم کوردستان جیگرە و وەیاسا رێکخریاگە، لە وەخت وەپەنکردن، و خراوەکاری، و جومان داین، یاسای سزادان عیراقی ژمارە ١١١ ئەرا ساڵ ١٩٦٩ وەجیتیەێد، وفرەگەی کەفێدە پای گەن وەکارهاوردن ئامێرەیل پەیوەندیەگان.
زیباری وەی جوورە کۆتایی وەقسەگانی هاورد: نەبایەس تاماشای ئی وەخشینەیلە بکەیمن جوور هەڵەیگ، چوینکە روژامەنوسەیل کەفنە وەر ئی یاسایلە هەنای پێشەلکاری یاسا بکەن، لە وەختیگ پیشە روژنامەوانیان وەگونجیاگی نەوود، یا ئەگەر پێشەکاریەیلە بکەفێدە پای رێوشوێنەیلیگ یاسایی ک یاسایلیگ تر چەسپانیەسەیان، لەو رەوشەیلە، جیوەجی یاسای روژنامەوانی پەڕلەمان کوردستان کریەێد ، لەبان ئەوەیش، تەنانەت لە چنه رەوشەیلیگ هه‌میش روژنامەنوس نیەگریەێد وەبی فەرمان دادگا، و رزامەنی سەندێکای روژنامەنوسەیل کوردستان.
