دهۆك قاپى مۆڵ و ئارايشگايه‌يلى واز كرد، وه‌لێ وه‌مه‌رج
2020-05-04 10:39:34
شه‌فه‌ق نيوز/ شانه‌ى قه‌يران له پاريزگاى دهۆك له هه‌رێم كوردسان رێ وه ناوه‌نده‌يل بازاڕكردن(مۆڵ) و ئارايشگايه‌يل ئافره‌ت دا ده‌س بكه‌نه ئه‌نجامداين كاره‌يليان وه‌ل خوه‌يپاريزى له بڵاوبوينه‌وه‌ى ڤايرۆس كۆرۆناى تازه.
شانه‌ى قه‌يران له به‌ياننامه‌يگ ئه‌را شه‌فه‌ق نيوز ئاشكراى پلان هه‌يشته‌مى كرد ئه‌را ئاسانكارى له چوارچيوه‌ى قه‌يه‌غه‌ى هاتوچوو ك چه‌سپا له‌بان پاريزگاگه.
ئه‌و ئاسانكارييشه وازكردن قاپى مۆڵه‌يل ك شماره‌يان چوار مۆڵه له پاريزگه گرته خوه‌ى له سه‌عات 9 شه‌وه‌كى تا 7 ئيواره، وه‌لێ وه‌گووره‌ى مه‌رجه‌يل ته‌ندروستى ك كۆفى شۆپه‌يل و وازى مناڵه‌يل له‌تيان واز نه‌كريه‌ێد و ئاشخانه‌يليش ته‌نيا له‌ڕێ دليڤه‌رييه‌و كاره‌يليان ئه‌نجام بيه‌ن.
